08/2019

1 Maart 2019

VEILIGHEID

Na die insidente by verskeie skole die afgelope tyd, wil ons graag ons ouers gerusstel dat ons voortdurend alle veiligheidsaspekte evalueer.

Wat die strukturele veiligheid van ons skool betref, is daar nie nou enige bekommernisse nie. Dit is deurlopend onderhewig aan inspeksies en waar nodig word regstellings gedoen.

Wat die algemene veiligheid betref, is verskeie maatreëls in plek. Vir veiligheidsredes kan ons dit nie hier bespreek nie. Afriforum het op Woensdag, 27 Februarie, 'n veiligheidsoudit by ons gedoen met 'n positiewe uitkoms.

Ons is ook besig om alle veiligheidsaspekte te hersien (opdatering van ons beleide en opgradering van ons opleiding).

GELUKWENSE

Baie geluk aan al ons leerders en personeel wat presteer.

Swem

B-BOND SWEM INTERHOËR – 19 FEBRUARIE

Lesley John Viljoen (0/19) behaal die tweede plekke in die 100m Vryslag en die 50m Vlinderslag. Baie geluk!

Atletiek

OOSIE-ATLETE SKITTER TYDENS DIE A-BOND INTERHOëR van 22 Februarie 2019
Die Oosie-atlete het tydens die A-Bond Interhoër, in die geselskap van Pretoria se groot atletiekskole geskitter. Micyla Botha (0/14) een van ons topatlete word tydens die byeenkoms aangewys as die Junior Victrix Ludorum (eerste plek en nuwe rekord in Hoogspring (1.71 m), met verdere eerste plekke in Verspring en Spiesgooi. Micyla was ook die hoogspringatleet met die beste hoogte vir die dag (al die ouderdomsgroepe in ag geneem). Danae Jv Rensburg (0/19) is die wenner van die Gewigstoot met 'n nuwe rekord (13.58m). Ons 0/19, 4x100 aflosspan (Danie Botha, Ruan de Lange, Marlo Prinsloo en Jaco Myburg) is die eerste span wat sedert 2014 vir Afrikaans Hoër Seunsskool in die aflos kon klop. Oos-Moot 42.09s en Affies 42.16s. Verdere eerste plekke word ook behaal deur: Ruan de Lange (0/19) in die 110mH (in 14.21s). Chané van Zyl (0/17) wen die Gewigstoot (14.65m) en Spiesgooi (45.91m) met Fébé Wessels (0/16) wat die Gewigstoot (12.76m) en Diskus (35.78m) wen. Die 0/14, 4x100 dogtersaflosspan het hul staal gewys met ‘n wen in die aflos.
Uitmuntende prestasies!

OOSIE-GOLF MAAK ONS BAIE TROTS!

Ons is net so trots op ons Oosie-Golf en dirigente wat Oos-Moot se naam hoog gehou het tydens die A-Bond Atletiek Interhoër. Jul het ons hoendervleis laat kry. Jul ondersteuning, saamstaan en mooi gedrag het ons atlete gedra op die baan.

Oosie-Enduro

Micaela Lombard (gr9) het ook gekwalifiseer om aan die EnduroXGames op 9 Maart deel te neem. Baie geluk!

Public Speaking finaal

Die volgende Oosies is die wenners van die finaal op 27 Februarie.

• Juniors: 1ste: Elsje Styger, 2de: Jaylin van Zyl, 3de: Lianke van Wyk

• Seniors: 1ste: Anriëtte Haasbroek, 2de: Marli Rheeder, 3de: Kyla Haines

Oosies van die maand

Die volgende twee Oosies is aangewys:

Januarie: Logan Truter vir sy uitnemende prestasies tydens die Suid-Afrikaanse Skole Swemkampioenskappe in Desember 2018.

Februarie: Micyla Botha wat tydens die A-Bond Atletiekinterhoër as die Junior Victrix Ludorum aangewys is.

Baie geluk!

AKADEMIE

Graad 10-Veldskool

Die jaarlikse Graad 10-kamp vind plaas vanaf 28 tot 31 Augustus 2018, te Kwaggasrus (30km anderkant Brits).

Graag wil ons dat AL die graad 10-leerders die kamp bywoon. Volg die skakel vir skrywe met volledige inligting. Die skrywe is ook op die skool se webtuiste by Wie is ons/Aflaaibare vorms beskikbaar.

JUNIE 2019 NASIONALE SENIOR SERTIFIKAAT EKSAMEN

Volg hierdie skakel vir die eksamenrooster.

DISSIPLINE

Leerders wat die dag voor hul toets/eksamen skryf, nie by die skool is nie maar wel by die skool se buitemuurse aktiwiteite opdaag, sal debietpunte van -100 ontvang vir stokkiesdraai.

KULTURELE TOER NA BUDAPEST 2020

Ons beplan ‘n kulturele toer na Budapest in Junie 2020 (skoolvakansie). Ons wil graag 'n meningsopname doen om te bepaal of die beoogde toer sal kan voortgaan. Volg die skakel vir die skrywe. Volledige inliging ten opsigte van die toerprogram is beskikbaar by die volgende onderwyseresse: me L de Bruin, me M Botha of me R Steinmann.

SIEKTE TOETSE

Met die oog op die komende publieke vakansiedae in April, wat in die week val, wil ons dit onder leerders en ouers se aandag bring dat geen leerders vir vakansiedoeleindes van toetse verskoon sal word nie. Slegs leerders met doktersbriewe, in geval van dood in die familie en provinsiale en nasionale sporttoernooie sal siekte toetse kan skryf.

KOSKASKENADES

VOEDSELINSAMELINGSPROJEK

Die skool se kosprojek verskaf kospakkies aan 'n aantal gesinne van ons skool. Met die koskaskenades word produkte vir dié projek ingesamel. Produkte en items kan vanaf 25 Februarie tot 8 Maart by die klasvoogde ingehandig word.

Daar is 'n prys vir die klas wat die meeste items insamel en elke registerklas ontvang 'n sak om die items in te sit.

Enige navrae kan aan me Lee Bouwer gerig word. Sien ons Koskaskenades video op Facebook.

Die itemindelings volgens graad is soos volg:

OOS-MOOT RAAD PROJEK - "SPORT BUDDY"

Die OMR loods ‘n projek: Sport Buddy. Die doel is om sporttoerusting en klere wat nog in ‘n goeie bruikbare kondisie is in te samel en dan vir kinders wat nie die toerusting en klere kan bekostig nie, maar wel aan sport deelneem, beskikbaar te stel.

Die Sport Buddy trommels sal Saterdag die 2de Maart onder die Ondersteunersklub se Gazebo langs die rugbyklubhuis beskikbaar wees om julle sporttoerusting en klere te ontvang. Indien daar leerlinge is wat toerusting of klere benodig kan hulle Woensdag na afloop van oefening ‘n draai kom maak by die rugbyklubhuis. Die trommels sal dan beskikbaar wees.

Indien daar navrae is kan julle asb whatsapp stuur na LJ Viljoen 0716780966, of Charleen Viljoen 0823771379.

KULTUUR

Mnr en Mej Oos-Moot Gala-aand 2019

• Datum: 14 Maart 2019

• Tyd: 19:00

• Plek: Skoolsaal

• Kleredrag: Informeel

• Kaartjies: R80 per persoon

Kaartjiesverkope open op 5 Maart en kan voor skool en tydens pouses by die Konferensiekamer aangekoop word.

SPORT

Wintersport (Rugby/Netbal/Hokkie)

Wedstryde op 2 Maart (tuisvelde).

• Hokkie

• Netbal

• Rugby

Netbal

Die Netbalouervergadering vind op 4 Maart, om 18:30 in die LO-saal plaas.

MUSIEK KARNAVAL 2019

• Datum: 18 Mei (Saterdag)

• Tyd: 12:00 tot 23:00

• Kaartjies: R120 per persoon

SANGERS

Snotkop, Dirk, Monique en 'n verassingsoptrede.

VERMAAK

Groot mallemeule, kunsmark, baie kosstalletjies en Mario die Kulkunstenaar (12:00 tot 18:00). GEEN EET- EN DRINKGOED WORD TOEGELAAT NIE. Bring u eie stoel en kombers. Kom geniet 'n vreugdevolle wintersdag in Oosie-land. Navrae kan gerig word aan me René de Klerk (012) 332 0601.

ADVERTEER IN DIE SKOOL SE NUUSBRIEF

Elektroniese Nuusbrief

Die weeklikse nuusbrief word elektronies na ongeveer 1800 e-posadresse uitgestuur.

Kostes vir plasing is soos volg:

• Eenmalig – R250

• Per week – R100

• Per maand - R400

Formaat van advertensie: Oorspronklike elektroniese formaat (jpeg of png).

Let wel: Geen pdf of geskandeerde advertensies kan geplaas word nie.

Belangstellendes kan Me M Grobler (Bemarker) kontak by (012) 332 0601 of per e-pos by groblerm@oos-moot.co.za.

Ons opregte dank aan ons BORGE

Oos-Moot groete

S HEARNE (SKOOLHOOF)