Me M Grobler
Organiseerder
groblerm@oos-moot.co.za

Baie welkom by Oos-Moot se atletiekwebblad. Ons is baie trots op ons atletiek met ‘n groep van 50 atlete wat aktief aan dié sport deelneem.  Ons atlete is soos ‘n familie en almal ondersteun mekaar. Ons kompeteer teen van die beste skole in die land en gee so ons atlete die geleentheid om hulself te meet teen van die bestes in die land.

Dit is juis hierdie byeenkomste wat verseker dat ons jaarliks medaljes op SA’s verower en dat van ons atlete op internasionale vlak deelneem. Ons neem aan die volgende byeenkomste deel, naamlik: die Driehoekbyeenkoms, Abrie van Stadenbyeenkoms, Mootbyeenkoms, UJ atletiekbyeenkoms, TUT Top 12, TUKS Top 10-, Naboomspruitbyeenkoms en POTCH Top 30 byeenkoms.  

2019

Die Oosie-atlete  het tydens die A-Bond Interhoër,  in die geselskap van Pretoria se groot atletiekskole geskitter.  Micyla Botha (0/14) een van ons topatlete word tydens die byeenkoms aangewys as die Victrix Ludorum (eerste plek en nuwe rekord in Hoogspring (1.71 m), met verdere eerste plekke in Verspring en Spiesgooi).  Danae Jv Rensburg (0/19) is die wenner van die Gewigstoot met ‘n nuwe rekord (13.58m).   Ons 0/19, 4×100 aflosspan is die eerste span wat sedert 2014 Afrikaans Hoër Seunsskool in die aflos kon klop.  Oos-Moot 42.09s en Affies 42.16s.   Affies se rekord in hierdie item is 40.86s.  Lees ons Topprestasies tydens 2019 byeenkomste vir meer inligting.

2018

Ons is baie trots op ons top spiesgooi-atleet vir 2018, Chané van Zyl (0/16) wat Suid-Afrika nie net by die Africa Youth Games 2018 verteenwoordig het nie (silwer medalje met persoonlike beste afstand van 51.13m in die 0/18 ouderdomsgroep (sy is net 15 jaar oud), maar ook by die Tricolor Games in Italië met ‘n goue medalje weggestap het.  Die Interhuisspanindelings is soos volg:  Amptenare (A – G)  Ligblou, Burgers (H – R) Geel en Heemrade (S – Z)  Wit. Hoërskool Oos-Moot se eerste skooldag op 8 Januarie 1952 is 300 jaar na die volksplanting aan die Kaap van die Goeie Hoop, vandaar die name vir ons interhuisspanne.