SAGTEBAL

Mnr Kobus de Wet
dewetk@oos-moot.co.za

Oos-Moot se sagtebal groei van jaar tot jaar.  Die afrigters en spelers se toewyding het ons agt sagtebalspanne die afgelope jare in die liga laat uitstaan, die skool in die finale van die Tshwane Kampioenskappe verteenwoordig en tot in die Stadsbeker-finaal gevorder.  ‘n Groot aantal van ons speelsters word ook jaarliks in Tshwane sagtebalspanne opgeneem.

Ons het ‘n suksesvolle 2018 liga gehad teen die hoërskole AHMP; Garsfontein; Zwartkop; Centurion; Eldoraigne en Wonderboom.  Al die Oosie-spanne het deurgedring na die Tshwane uitspele.  Die 1ste span; 0/16A- en 0/14A-spanne het in die semi finale gespeel.  Die 1ste-span was die Tshwane ligawenners met die 0/14A-span wat tweede, en die 0/16A-span wat derde in die liga eindig.  Die 1ste-span speel op  19 en 20 Oktober 2018 in die Gauteng Kampioenskappe.  Die 0/15B-span was Tshwane ligawenners vir 2018.  Agt van ons sagtebalspeelsters word in Tshwane Provinsiale spanne opgeneem.