KULTUURAKTIWITEITE

ATKV TIENERTONEEL

Die ATKV tienertoneel is ‘n unieke ervaring vir Oosie-leerders. Dit laat die leerders toe om hul talente op die planke uit te leef, bied aan hulle positiewe blootstelling aan die teater en opboudende kritiek vanaf gesoute akteurs en aktrises, dit laat hulle toe om hulself te meet teen ander skole tydens gesonde kompetisie, dit skep ‘n onbreekbare spangees tussen die leerders en dit bevorder hul selfvertroue.

 Organiseerder
Mej  Marjoneke de Kock
m.dekock@oos-moot.co.za

ECO-OOSIES

Ons leuse is “Heal the world, make it a better place.”

Herwinning is nie waar ons stop nie.  Ons is die stem vir die wat nie stemme het nie, ons verstaan die wat nie altyd verstaan word nie, ons praat baie tale… ons verstaan plante, troeteldiere, wilde diere, seediere en die met vere.

Ons staan vir ‘n skoner en gesonder aarde en ons maak ‘n verskil in almal se lewe wat hulself nie in woorde kan uitdruk nie.

Ons vingers is groen en ons harte is groot.

Organiseerder
Me Carna Pinto
c.peens@oos-moot.co.za

FEITEVRATE

Klassifiseer jy jouself as ‘n lopende ensiklopedie? Is jy jou familie se “30 Seconds” kampioen? Is jou brein met meer feite gelaai as ‘n “Chappie” papiertjie? Dan is die Feitevrate die regte plek vir jou!

Kom word deel van die Feitevratespan, hier neem ons deel aan talle vasvra-kompetisies waar jy jou kennis kan uithaal en wys. Ons bemagtig jou deur jou te leer van spanwerk sowel as hoe om individueel te presteer.

So as jy honger is vir kennis, en ‘n vraat is vir feite, kom neem deel saam met ons!

Organiseerder
Me Marce du Preez
m.dupreez@oos-moot.co.za

FOTOGRAFIEKLUB

Die fotografieklub kom reg deur die jaar bymekaar en leer meer oor verskillende tegnieke om kwaliteit foto’s te neem.  Leerders kry teoretiese lesse en doen ook prakties om die tegnieke in te oefen. Ons poog om jaarliks ‘n portefeulje vir elke leerder saam te stel waaruit hulle foto’s kan kies om aan ons kompetisies deel te neem.  Die klub is deel van die PSSA (Photographic Society of South Africa).  Van die leerders se foto’s word gebruik vir plasing in die jaarblad of ander mediabronne van die skool.

Organiseerder
Me Marga Koelman
koelmanm@oos-moot.co.za

JUNIOR STADSRAAD

‘n Graad 10- en 11-leerder van ons skool word op die Junior Stadsraad verteenwoordig.  Daar is 31 skole betrokke.  Hulle bied talle projekte aan om fondse in te samel ter ondersteuning van die organisasies of instellings aan wie hulle finansiële hulp verleen. 

Organiseerder
Me T Nabal
nabalt@oos-moot.co.za

KOOR

Die lewe is ‘n lied en daarom moet ons sing!

Maak nie saak of jou lewenslied ‘n ballade, ‘n “rock” treffer, ‘n kletsrym of net ‘n simfonie van alles saam is nie, by die Oos-Moot Koor word enige genre lewenslied met ope arms (en ope ore) verwelkom.

Kom harmoniseer saam met ons by sangbyeenkomste, volg ons op die ritmiese klanke na koorkampe en kooroefeninge.  Kom komponeer saam aan die meesterstuk wat die Oos-Moot koor is en sing jou hart uit!

Organiseerder
Me Marce du Preez
m.dupreez@oos-moot.co.za

KOSPROJEK

“Geluk kan altyd gevind word, selfs in die donkerste tye, as jy net onthou om die lig aan te skakel.” – Anoniem

Die kosprojek streef daarna om die lig in behoeftige gesinne se donker tye te wees. Kospakkies word maandeliks vir behoeftige gesinne (in die skool) uitgedeel. Pakkies bestaan uit nie-bederfbare voedsel, toiletware en skoonmaakmiddels.

Die projek kan poog om die lig te wees, maar sonder ‘n skakelaar kan die lig nie skyn nie. Ons leerders, ouers en gemeenskap is die skakelaar wat die halogeen laat gloei. Sonder hiérdie skakelaar is ons projek ‘n afgesluite, hol glasliggam. Jaarliks word insamelings gehou waar mens die onbaatsugtigheid en omgee van die Oosies, deur die honderde produkte wat geskenk word, kan aanvoel.

Vir die afgelope 10 jaar is hierdie vennootskap ‘n ligbron vir behoeftiges. ‘n Skakelaar en ‘n gloeilamp, wat die gloeidraad in Oosie harte gloeiwit laat brand en saam ‘n ligbron in donker tye is.

Organiseerder
Me Lee Bouwer
bouwerl@oos-moot.co.za

KUNSKLUB

Hier by die kunsklub kan jy skep volgens jou eie verbeelding, jouself uitdruk, en eksperimenteer.  Hier kan jy jouself uiter sonder enige grense of perke en sodoende openlik skep en unieke skeppings na vore bring. 

Indien jy diep in jou hart glo jy is ‘n kunstenaar,  jou vaardighede wil ontwikkel,of net jou kunstige kant ‘n kans wil gee, is die kunsklub die klub vir jou.  Elke Oosie is welkom by die kunsklub, met of sonder ervaring. 

Organiseerder
Me Mara Combrink
m.combrink@oos-moot.za

Besoek Kunsklub webbladsy

LIGTE EN KLASSIEKE SANG

Verskeie van ons leerders neem aan Eisteddfods en kunstefeeste deel.

Organiseerder
Me W Kalp
w.kalp@oos-moot.co.za

LIGTE MUSIEKORKES

Ons is nie bang vir COVID nie, dit laat ons nie vals speel nie. Ons hou ons afstand en blaas ons beule hard! Die Oosie-orkes spog met die titel van nasionale wenners en ons sien uit daarna om die Oosies digitaal te verras die jaar.

Organiseerder
Mnr Alexander de Kock

Ligte Musiekorkes webbladsy

MOOTGENOOT

Hoërskool Oos-Moot se eerste skoolkoerant het onder leiding van Mev. Annelise van der Merwe en ‘n paar entoesiastiese leerlinge in 1995 verskyn. Die skoolkoerant het as die “Oosternasie” bekend gestaan en was op gewone A4 papier in wit en swart gedruk.

Met die jare het die skoolkoerant gegroei en is later herdoop na die “Mootgenoot”. In 2003 is die koerant vir die eerste maal op regte koerantpapier in A3 grootte en in kleur gedruk. Tans is die skoolkoerant weer in ‘n kleiner formaat en verskyn twee tot drie maal per jaar.

Organiseerder
Me Tinkie Stolp
stolpt@oos-moot.co.za

MNR EN MEJ OOS-MOOT

Die jaarlikse kompetisie bied ons leerders die geleentheid om hul sosiale vaardighede te ontwikkel.  Dié geleentheid dien ook as fondsinsameling van die skool.

Organiseerder
Me E Claassen
e.claassen@oos-moot.co.za

Mnr en Mej Oos-Moot webbladsy

MUSIEKBLYSPEL

Die musiekblyspel bestaan uit ‘n groep uitgesoekte seuns en meisies (oudisies) wat met hul vaardigheid in toneelspel en sang in toneelstukke soos “Beauty and the “Beast” en “Fame” na die verhoog bring.

Organiseerder
Me Gené Barkhuizen
barkg@oos-moot.co.za

Musiekblyspel webbladsy

OOSIE-INK

Met Oosie-Ink kry leerders die geleentheid om hul skryftalent (poësie, stories, grappies, ens) in Engels of Afrikaans te ontwikkel.  Die bundel verskyn een keer per jaar.

Organiseerder
Me Mia Snyman
m.snyman@oos-moot.co.za

Digbundel gepubliseer 2019

OOSIE-JEUG

Die Oosie-Jeug is ‘n Christelike inisiatief waar elke leerder verwelkom is en verskeie projekte soos uitreikaksies.  DVD-aande, kampe, sprekers en aanbiddingsaande meemaak.

Organiseerder
Mnr J Nolte
j.nolte@oos-moot.co.za

RASIE-LEIERS

‘n Groep van ongeveer 30 leerders word jaarliks gekeur vir dié groep.  Hul tree by verskeie sportgeleenthede op en neem aan kompetisies deel.

Organiseerder
Me W Kalp
w.kalp@oos-moot.co.za

REDENAARS/DEBAT

Die Redenaars gee ons leerders die geleentheid om hul sê te sê.  Die Debat daarenteen gee die leerders met vroue- en mannemoed die geleentheid om te debatteer oor aktuele sake.  Hulle moet op hul voete kan dink en logies oor ‘n saak debatteer en redeneer.

Organiseerder
Me C Bezuidenhout
c.bezuidenhout@oos-moot.co.za

REVUE

Die Revue vind tweejaarliks plaas.  Dit is ‘n skouspel van musiek waraan ‘n uitgesoekte groep seuns en meisies deelneem. Die Revue het in 2018 en 2019 die Kaleidoscope Revue kompetisie gewen.

Organiseerder
Me W Kalp
w.kalp@oos-moot.co.za

SPELBYE

Die spelbye gee ons leerders die geleentheid om hul taalkundigheid toe te pas.  Daar is verskeie kompetisies teen van die top skole in Pretoria.

Organiseerder
Me T Jordaan
t.jordaan@oos-moot.co.za

TROTS OOSIE

Trots Oosies laat elke leerder hul waardes en kwaliteite uitleef.  Ons wil ‘n groter persoonlike en gemeenskaplike trots by ons leerders aanwakker en ‘n positiewe leerklimaat by ons skool bevorder.

Organiseerder
Me E Kotzé
kotzee@oos-moot.co.za