Wat sê ons leerders van die vak
Hoekom moet jy Afrikaans Huistaal neem?
Afrikaans Huistaal is ‘n verpligte vak by ons skool. Ons is ‘n Afrikaansmediumskool en ‘n goeie begrip in Afrikaans is belangrik.
Wat word in hierdie vak gedek?
Luister en Praat
Luistervaardighede: Begrip van mondelinge tekste soos toesprake, verhale, onderhoude en gesprekke.
Kritiese luister: Evaluering van inligting, opinies en argumente
Mondelinge kommunikasie: Deelname aan besprekings, debatte, voorleggings en aanbiedings
Korrekte uitspraak, intonasie en gespreksreëls
Lees en Kyk
Begrip van verskillende tekssoorte: Verhalende, informele en akademiese tekste
Poësie, drama, prosa en kortverhale
Kritiese leesvaardighede: Opsomming, afleidings maak, gevolgtrekkings en teksanalise
Interpretasie van visuele tekste: Advertensies, plakkate, strokiesprente en grafika
Skryf en Aanbied
Verskillende skryfvorme: Opstelle (narratief, beskrywend, argumentatief en diskussie), sakelbriewe, resensies, verslae en artikels
Grammatikale struktuur en styl
Vaardighede: Redigering en proeflees
Skryfproses: Beplanning, konsepte, hersiening en finale weergawe
Taalstruktuur en -gebruik
Woordeskatontwikkeling
Spelling en taalreëls
Sinstruktuur en sinsontleding
Idiome, spreekwoorde en figuurlike taal
Morfologie en sintaksis
Literatuurstudie
Temas en boodskappe in letterkunde
Karakteranalise en intrige
Taalgebruik en stilistiese aspekte
Interpretasie van poësie, dramas en romans
Hierdie kurrikulum is gestruktureer om leerders se kommunikasievaardighede, kritiese denke en akademiese taalgebruik te ontwikkel. Dit rus hulle ook toe met die nodige vaardighede vir verdere studie en beroepswêreld.
Watter studierigting kan jy met hierdie vak volg?
Om vir enige tersiêre studie toegelaat te word, moet jy ‘n huistaal hê. Afrikaans Huistaal voldoen aan hierdie vereiste.
Watter opwindende loopbane kan Afrikaans vir jou ontsluit?
Afrikaans bied jou ‘n sterk taalbasis wat jou vir ‘n verskeidenheid beroepe kan voorberei, insluitend:
Onderwyser
Tolk
Joernalis
Kopieskrywer
Nuusleser
Akteur
Aanbieder
Registrateur (Universiteit)
Onderwyser
Dosent
Skrywer
Redakteur
Vertaler
Subredakteur
Uitgewer
Kommunikasiespesialis
Vir watter tipe leerders is hierdie vak geskik?
Hierdie vak is ideaal vir leerders wat hou van lees, redeneer en debatteer. Dit spreek ook dié aan wat empatie vir ander wil ontwikkel en ‘n beter begrip van verskillende leefwêrelde wil verkry.
Hoe word assessering in hierdie vak gedoen?
Assessering vind plaas deur:
Luister en praat
Lees en kyk
Skryf en aanbied
Slaagvereistes
Graad 8 en 9 = Minimum 50%
Graad 10 tot 12 – Minimum 40%