CHANEL GROENEWALD (GR.10) PRESTEER TYDENS DIE 2025 SUID-AFRIKAANSE LANDLOOPKAMPIOENSKAPPE !

Sy verwerf die volgende prestasies: - 2de plek ( silwer) in die 2 km Dash. - 5de in die 4 km dogters 16 jaar.

LANDLOOP

Landloop is een van ons wintersportsoorte en bied aan leerders die geleentheid om hulself fisiek én geestelik uit te daag. Hierdie sport vereis nie net fiksheid en stamina nie, maar ook deursettingsvermoë, dissipline en ’n sterk ingesteldheid.

Ons atlete neem deel aan hoogs mededingende byeenkomste soos die NWU-reeks en die Noordvaaltoernooi, waar hulle hulself meet teen van die beste skole in die streek. Die seisoen bestaan uit verskeie ligawedlope vir junior en senior seuns en meisies, wat elke leerder die geleentheid gee om te ontwikkel en te presteer.

Me M Steyn
Organiseerder
landloop@oos-moot.co.za

Seisoenstruktuur

Die skoleliga begin in die derde kwartaal, en bestaan uit vier ligawedlope, asook ’n +2km Dash-item. Deelname vind plaas in die volgende vier kategorieë:

  • Junior Seuns: o/14 en o/15

  • Junior Meisies: o/14 en o/15

  • Senior Seuns: o/16 tot o/19

  • Senior Meisies: o/16 tot o/19

2025

Al het die skoleliga nog nie begin nie, het Oos-Moot se landlopers reeds in April 2025 indrukwekkende werk gelewer in die NWU 4km-reeks:

  • Senior Seuns- en Dogtersspanne: 4de algeheel

  • Junior Seuns- en Dogtersspanne: 5de algeheel

  • Oos-Moot Landloopspan: 5de plek algeheel in die reeks

Noordvaal-Kompetisie

Ons landloopdogters het  met trots aan die Noordvaal-kompetisie deelgeneem en puik resultate behaal:

Spanprestasies:

  • Span 1: 9de uit 29 skole

  • Span 2: 18de plek

Individuele Uitblinkprestasie:

Suid-Afrikaanse Kampioenskappe
Chanel Groenewald het op 6 September aan die landloop SA’s in Middelburg deelgeneem en die volgende prestasies behaal:
 
– 2de plek ( silwer) in die 2 km Dash.
– 5de in die 4 km dogters 16 jaar.
 
Liga

Na afloop van al die ligas van hierdie seisoen het Chanel Groenewald tweede algeheel in haar ouderdomsgroep in die hele Pretoria geëindig en gekwalifiseer vir die Suid-Afrikaanse Kampioenskappe!  Dit is ’n ongelooflike prestasie aangesien sy teen van die top skole in Pretoria meegeding het.