SAGTEBAL

Mnr Kobus de Wet
dewetk@oos-moot.co.za

Oos-Moot se sagtebal groei van jaar tot jaar.  Die afrigters en spelers se toewyding het ons agt sagtebalspanne die afgelope jare in die liga laat uitstaan, die skool in die finale van die Tshwane Kampioenskappe verteenwoordig en tot in die Stadsbeker-finaal gevorder.  ‘n Groot aantal van ons speelsters word ook jaarliks in Tshwane sagtebalspanne opgeneem.

Die 2019 sagtebalseisoen  was ‘n reuse sukses met hoogtepunte om op trots te wees.

Die A-spanne neem deel in die A-liga wat bestaan uit Afrikaans Hoër Meisieskool; Hoërskool Centurion; Hoërskool Montana; Hoërskool Pretoria Noord; Hoërskool Wonderboom; Hoërskool Overkruin en Hoërskool Hartbeespoort. Na die eerste rondte is al die A-spanne deur na uitspele. Die eerste span, 0/16A- en 0/15A-spanne was ligawenners.

Die B-spanne het in die E-liga deelgeneem teen die volgende skole: Hoërskool Eldoraigne, Midstream College, Hoërskool Zwartkop, Hoërskool Wonderboom, Hoërskool Centurion, Sutherland High School, Afrikaans Hoër Meisies en Hoërskool Garsfontein.

Die 14 B-span was onoorwonne dié seisoen en het die Tshwane B-span kampioenskappe gewen.

TSHWANE UITSPELE
Al vier die A-spanne speel in die finale rondte van die Tshwane uitspele. Die eerste span en 0/14A-span eindig tweede in die uitspele terwyl die 0/15A-en 0/16A-spanne oorwinnings behaal.

Individuele prestasies
Die volgende leerders word almal gekies vir Gauteng spanne:

Tshwane Spanne:
0/15 Blue Sox: Tineca Wissing; Ashleigh Lottering; Karla Steynberg; Jaylin van Zyl; Celine Viljoen.  0/15 Red Sox: Juanic Beukman. 0/14 Blue Sox (speel as 0/15 White Sox): Juane Gouws. 0/19 Blue Sox: Johandri van der Walt; Mareli Mostert. 0/19 Red Sox: Chanté Smith. 0/16 Blue Sox (speel as 0/19 White Sox): Lize Janeke, Febe Wessels

Die volgende speelsters ontvang Tshwane toekennings:
Mariska Erasmus:0/ 15 B – beste kolwer
Celine Viljoen: 0/15 A – beste kolwer
Mene Janeke: 0/19 B – beste kolwer
Ame Duvenage: 0/19 B – beste vanger
Lunic Spies: 0/19 B – beste gooier
Johandri van der Walt: 0/19 A – beste kolwer.
Tshwane afrigters vir SA-toernooi in Desember:
Mnr. Kobus de Wet is aangewys as afrigter van die Tshwane 0/19 White Sox Span.