🎼 Oos-Moot Orkes: Ons Reis van Passie en Prestasie
🎺 ’n Klank van inspirasie wat deur die jare weerklink
Die Oos-Moot Orkes is gebore uit ‘n droom – ‘n droom om musiek tot lewe te bring en jong mense die geleentheid te gee om hul musikale talente te ontdek en ontwikkel. Wat in 2017 as ’n klein ligtemusiek-ensemble begin het, het gegroei tot ’n trotse en indrukwekkende instelling binne die kultuurlandskap van ons skool.
📖 ’n Oorsprong van entoesiasme en deursettingsvermoë
Met die aanstelling van mnr. D.J.F. Smith in 2016 – ’n onderwyser met ’n hart vir sy vak én ’n passie vir musiek – het ’n nuwe era vir kultuur in Oos-Moot begin. Onder sy leiding is die ligtemusiek-ensemble in 2017 gestig, oorspronklik beplan vir slegs 13 blaasinstrumente. Die belangstelling was egter so groot dat die beskikbare instrumente nie voldoende was nie – en so is instrumente ook geleen om aan die aanvraag te voldoen.
Die pionierorkes is gestig met 24 lede – 5 seuns en 19 dogters – en onder leiding van mnr. Van der Walt as konsertmeester. Hul eerste prestasie was merkwaardig: die jong ensemble het eerste plek behaal in hul kategorie by die Nasionale Mars- en Skoolorkeskompetisie.
🌟 Visie vir die Toekoms
Ons droom is om die orkes te laat groei tot ‘n dinamiese, veelsydige musiekgroep wat:
-
meeding op nasionale vlak teen die grootste skoolorkeste in Suid-Afrika
-
veldorkes-ondersteuning bied by sportgeleenthede
-
as ensemble optree tydens formele en kleiner funksies
Ons glo dat musiek ’n kragtige middel is vir karaktervorming, spanwerk en selfvertroue – en ons sal aanhou om instrumentale musiek in die Moot aktief te bevorder.
🎶 By Oos-Moot sing en speel ons nie net musiek nie – ons leef dit. Elke noot is ‘n bousteen in ‘n erfenis van trots, prestasie en passie.
🎼 Dirigent en afrigter
Mnr AG van der Walt is ‘n oud-Oosie wat in ‘n musikale gesin groot geword het. Hy het op die ouderdom van 12 jaar vioolles begin neem en musiek gekomponeer. Op 15 jaar het hy sy graad 8 vlak bereik met die Royal Schools (ABRSM) Syllabus en begin vioolles gee.
Na matriek studeer hy klanktegnologie aan die Oakfields College en voltooi sy kwalifikasie in 2022. Hy kwalifiseer ook as ‘n professionele instrumenttegnikus. Viool is sy hoofinstrument maar hy bespeel ook ‘n verskeidenheid blaasinstrumente.
2026
In 2026 bereik die orkes ‘n nuwe mylpaal met ‘n ledetal van 30 lede. Hierdie groei getuig van die lede se toewyding, dissipline en passie vir musiek, en dien as inspirasie vir ander leerders om hul kreatiwiteit en talent deur musiek uit te leef.
🏆 2025
Die skoolorkes het in 2025 ‘n besonder bedrywige en suksesvolle jaar beleef, met altesaam een-en-twintig optredes wat deur die jaar plaasgevind het. Benewens hierdie optredes het die orkes ook aan vier kunswedstryde deelgeneem en deurgaans uitstaande prestasies behaal.
By die Pretoria Eisteddfod is die orkes met ‘n A+ bekroon en het hulle ook die trofee vir die beste gemengde blaasorkes ontvang. Tydens die Noordekruin Kunstefees het die orkes weereens ‘n A+ verwerf, terwyl hulle by die kunswedstryd van die Afrikaanse Kunstevereniging met ‘n vergulde A+ bekroon is. Die jaar is op ‘n hoogtepunt afgesluit met deelname aan die Nasionale Eisteddfod, waar die orkes nie net ‘n goue medalje as kategoriewenners ontvang het nie, maar ook die gesogte Ambassadeurstoekenning – ‘n eer wat slegs aan deelnemers in die top 3% van bykans 7000 kandidate oor alle kategorieë (dans, drama, musiek en poësie) toegeken word.
🎼 2024: ’n Nuwe era, nuwe energie
In 2024 het die orkes nuwe mylpale bereik. Met hulle eerste deelname aan die Pretoria Eisteddfod, maak hulle geskiedenis deur nie net weg te stap met ‘n A++ nie, maar wen ook die trofee vir die beste gemengde blaasorkes, sowel as die beste nuweling orkes.
Hulle verwerf ook A++ by die Noordekruin kunstefees, en word daar ook aangedui as die wenorkes. Hulle neem deel aan SASBA se kampioenskappe, en verwerf daar silwer.
Die orkes sluit die jaar af met puik prestasies, en ‘n rekord van ‘n uitstekende twee en twintig optredes gedurende die jaar.
🥁 NUUT: Ons eie Drumline!
’n Opwindende toevoeging tot die Oos-Moot Orkes is die stigting van ons eie Drumline – ’n dinamiese ritmegroep wat by sportbyeenkomste optree om ons spanne aan te moedig. Met 6 entoesiastiese lede aan die stuur, sien ons uit na die groei en impak van hierdie nuwe afdeling.
2022
Gedurende 2022 het die orkes opgetree by die Tshwane Jeugkunstefees in die Staatsteater, en het hulle ‘n derde plek in konsertdissipline tydens die SA’s behaal.
😷 2020 Die pandemie en ‘n nuwe hoofstuk
2020 sou ’n jaar van groot planne wees, maar soos soveel ander aktiwiteite is die orkes se momentum deur die COVID-19-pandemie onderbreek. Mnr. Smith het ook in dié tyd ‘n bevorderingspos by Hoër Tegniese Skool Pretoria-Tuine aanvaar, en die leisels is oorgedra aan mnr. Alexander de Kock, wat die orkes van 2021 tot einde 2022 afgerig het.
🏆 Hoogtepunte en groei: 2018–2019
Met hul SA-oorwinning in 2017 agter die rug, het Oos-Moot se orkes in 2018 voortgebou op hierdie sukses en is ons skool vereer as gasheer vir die Suid-Afrikaanse kampioenskappe daardie jaar. Die orkes het nie net die geleentheid suksesvol aangebied nie, maar ook weer die wenbeker huis toe geneem. In 2019 het die orkes hul derde agtereenvolgende oorwinning in Durban behaal.
Teen 2019 het die orkes reeds uit 46 lede bestaan – ’n sprekende bewys van groei, talent en toewyding.
Uit die argiewe – Oosies se kadetorkes 1995 (Video 1)
Hoërskool Oos-Moot se kadetorkesoptrede tydens die streek kadetkompetisie wat by Hoërskool Tuine Tegnies aangebied was in Augustus 1995. Oos-Moot se orkes het 2de plek in die Pta Oos streekskompetisie behaal en deurgedring na die Kommandement Noord Transvaal Kompetisie in September 1995 waar hul die 3de plek in Noord Tvl behaal met dieselfde repertoire.
Uit die argiewe – Oosies se kadetorkes 1995 (Video 2)
Hoërskool Oos-Moot se kadetorkesoptrede tydens die streek kadetkompetisie wat by Hoërskool Tuine Tegnies aangebied was in Augustus 1995. Oos-Moot se orkes het 2de plek in die Pta Oos streekskompetisie behaal en deurgedring na die Kommandement Noord Transvaal Kompetisie in September 1995 waar hul die 3de plek in Noord Tvl behaal met dieselfde repertoire.