KRIEKET (Seuns/Dogters)

Oos-Moot se krieketspanne neem jaarliks deel aan mededingende skoolligas en wedstryde teen van die streek se sterkste skole. Hierdie blootstelling bied aan ons spelers die geleentheid om hul vaardighede teen hoë gehalte opposisie te toets en voortdurend te ontwikkel. Die skool spog met ses seunsspanne in die ouderdomsgroepe o.14 tot o.19, asook ’n groeiende dogtersspan wat met trots aan die krieketprogram deelneem. Met goeie fasiliteite en ’n gevestigde sportkultuur vorm krieket ’n integrale deel van die Oosie-sportervaring.

SEUNS

Mnr J Redelinghuys
Organiseerder
krieket@oos-moot.co.za

Bepalings: Daisy Cup

2026

In die 2026 seisoen is daar fokus op ekstra kolf- en kondisioneringsessies, sowel as ’n beter gestruktureerde oefenprogram vir alle spanne. Oos-Moot sal vanjaar drie senior krieketspanne hê, ’n eerste in baie jare.

Oefeninge vir die volgende jaar se o.14-groep begin reeds einde November om hulle goed voor te berei vir Kwartaal 1. Met beplanning, ekstra nettyd en hardloop-sessies streef ons daarna om die vooruitgang van Oos-Moot se krieket elke jaar groter en sterker te maak.

2025

Die 2025-krieketseisoen het vanjaar vroeg afgeskop, met die eerste wedstryd reeds op 4 Januarie. Die jaar het die vooruitgang van Oos-Moot se krieket duidelik gewys – ons het groot wenne behaal en die algehele prestasies het die groei van die program beklemtoon. Meer seuns sluit jaarliks by die sport aan, wat ons krieketprogram steeds versterk.

Prestasies

  • o.15-groep wen die Finbury-reeks aan die begin van die jaar met die uitblinkers M Broodryk, I Labuschagne en C van Heerden. 
  • M Broodryk is die eerste Oos-Moot Titans o.15-speler wat verkies is vir die provinsiale week in Desember.
  • M Broodryk en I Labuschagne het ingeskakel by die eerste span waar M Broodryk as top scorer en I Labuschagne as o.15 bowler van die jaar aangewys is (meer as 40 paaltjies).
  • Eerste span wen die Finbury-reeks asook die promosie\relugasiewedstryd teen Hoërskool Linden wat beteken dat ons in 2026 teen sterker kompetisie deelneem.
  • Eerste span eindig tydens die Kovsie Smash 9de uit 20 skole.  

Uitblinkers

  • Beste Senior Speler: D Corbett

  • Beste Junior Speler: M Broodryk

  • Beste Senior Kolwer:  R Spies

  • Beste Junior Kolwer:  M Broodryk

  • Beste Senior Bowler: E Theron

  • Beste Junior Bowler: I Labuschagne

Eerste span 2026

DOGTERS

Ons streef daarna om ‘n omgewing te skep waar ons dogters nie net as atlete nie, maar ook as selfversekerde en verantwoordelike individue groei.  Ons is trots op die vordering en prestasies van ons dogterskrieketspan en sien uit na ‘n toekoms vol verdere groei en suksesse in hierdie opwindende sport.

Ons eerste dogterskrieketspan bestaan uit ongeveer 20 toegewyde spelers wat met passie en deursettingsvermoë aan die sport deelneem. In 2023 het ons ’n opwindende stap geneem deur ’n afrigter van die Titans-dameskrieketspan te betrek, wat ons spelers blootgestel het aan die nuutste tegnieke en strategieë in die spel. Alhoewel baie spelers reeds krieketervaring het, fokus ons sterk op die ontwikkeling van fundamentele vaardighede en ’n diep begrip van die spel.

  • Oefensessies en proewe vind tradisioneel in Augustus plaas.

  • Ligawedstryde word hoofsaaklik in die vierde kwartaal aangebied.

  • Gedurende die seisoen neem die span deel aan 4–6 wedstryde, wat spelers die kans gee om hul vaardighede in ’n mededingende omgewing te toets en te verbeter.

2025 

Die dogterskrieketspan het die liga met groot geesdrif afgeskop.

  • Die wedstryd teen Curro Hazeldean B het ons dogters met 9 paaltjies gewen  ’n Fantastiese vertoning met uitstaanspelers wat regtig hul merk gemaak het.

  • Laudium was formidabele teenstanders waar ons die knie moes buig.

Die span toon ongelooflike groei en spanwerk – hierdie seisoen beloof groot dinge!

Buite-afrigter van formaat

Tiani van der Heuvel het haar krieketloopbaan reeds as tiener begin toe sy op 16 vir die Nasionale o.19-span gekies is. Sy was die topkolfspeler in die Nasionale o.19-kampioenskap en is as die beste jong speler in die streekliga aangewys. Haar uitstekende prestasies het daartoe gelei dat sy vinnig na die senior nasionale span bevorder is, waar sy haarself as ’n waardevolle speler gevestig het.

Tiani is bekend vir haar kragkolfwerk, tegniese vernuf en haar vermoë om speletjiesituasies vinnig te lees. Hierdie vaardighede maak haar ’n veelsydige en dinamiese speler.

Buite die veld is sy ’n rolmodel vir jong krieketspelers en betrokke by gemeenskapsprogramme om die sport te bevorder. Sy glo vas dat krieket nie net talente ontwikkel nie, maar ook lewenslesse leer en gemeenskappe versterk.

Met haar ervaring, toewyding en passie is Tiani ’n waardevolle toevoeging tot ons dogterskrieketprogram by Hoërskool Oos-Moot.

Me L de Bruin
Organiseerder
krieket@oos-moot.co.za