Me N Muller
Organiseerder
landloop@oos-moot.co.za
🏃♂️ Landloop by Hoërskool Oos-Moot – Uithouvermoë. Vasberadenheid.
‘n Wintersport met karakter
Landloop is een van Hoërskool Oos-Moot se prominente spansportsoorte en vind plaas gedurende die kouer wintermaande. Hierdie uitdagende sport vereis nie net fisieke fiksheid nie, maar ook ‘n hoë vlak van stamina en geestelike deursettingsvermoë.
Ons seisoen sluit deelname in aan die gesogte NWU-reeks en die Noordvaaltoernooi, waar ons atlete hul staal wys teen van die sterkste skole in die streek.
🗓️ Seisoenstruktuur
Die skoleliga begin in die derde kwartaal, en bestaan uit vier ligawedlope, asook ’n +2km Dash-item. Deelname vind plaas in die volgende vier kategorieë:
-
Junior Seuns: o/14 en o/15
-
Junior Meisies: o/14 en o/15
-
Senior Seuns: o/16 tot o/19
-
Senior Meisies: o/16 tot o/19
Meer as net ‘n sport
Landloop is veel meer as net hardloop – dit vorm jongmense. Die sport leer atlete:
-
Om strategies te hardloop
-
Om hul pas en energie te bestuur
-
Om taktiese besluite te neem onder druk
-
Om vasberadenheid te ontwikkel, selfs onder strawwe omstandighede
Hierdie vaardighede is onontbeerlik vir langafstandwedlope soos die Comrades Marathon, waarvoor baie van ons leerders eendag droom om te kwalifiseer.
‘n Gees van volharding
Die wisselende terrein en uitdagende roetes bevorder ’n diepe liefde vir die natuur, asook ’n innerlike krag wat selfs buite sport nuttig is. Elke tree is ’n oefening in volharding – elke opdraand ‘n kans om karakter te bou.
🌟 Prestasies 2025
Al het die skoleliga nog nie begin nie, het Oos-Moot se landlopers reeds in April 2025 indrukwekkende werk gelewer in die NWU 4km-reeks:
-
Senior Seuns- en Dogtersspanne: 4de algeheel
-
Junior Seuns- en Dogtersspanne: 5de algeheel
-
Oos-Moot Landloopspan: 5de plek algeheel in die reeks
🌟 Noordvaal-Kompetisie
Ons landloopdogters het die afgelope naweek met trots aan die Noordvaal-kompetisie deelgeneem en puik resultate behaal:
🏅 Spanprestasies:
-
Span 1: 9de uit 29 skole
-
Span 2: 18de plek
🌟 Individuele Uitblinkprestasie:
Suid-Afrikaanse Kampioenskappe
Chanel Groenewald het op 6 September aan die landloop SA’s in Middelburg deelgeneem.
Sy verwerf die volgende prestasies:
– 2de plek ( silwer) in die 2 km Dash.
– 5de in die 4 km dogters 16 jaar.
Liga
Na afloop van al die ligas van hierdie seisoen het Chanel 2de algeheel in haar ouderdomsgroep in die hele Pretoria geëindig en gekwalifiseer vir die Suid-Afrikaanse Kampioenskappe! Dit is ’n ongelooflike prestasie aangesien sy teen van die top skole in Pretoria meegeding het.
💪 By Oos-Moot is landloop nie net ‘n sport nie – dit is ‘n manier van leef, leer en groei.
🌱 Sluit aan en word deel van ’n span waar jy jouself fisiek en geestelik uitdaag, én trots jou skool verteenwoordig.
