WOLKSKOOL

Toegang tot Die Wolkskool

Die Wolkskool is ‘n aanlyn leerplatform van die Solidariteit Skoleondersteuningsentrum (SOS) wat aan al ons leerders beskikbaar gestel word. Die platform bied videolesse, werkkaarte en assesserings wat deur ervare onderwysers ontwikkel is en volledig in Afrikaans beskikbaar is.

Die Wolkskool is ‘n aanvullende hulpmiddel en vervang nie die rol van ons onderwysers nie. Dit help leerders om werk te hersien, gemiste inhoud in te haal en teen hul eie tempo te leer.

Voordele vir ons leerders

• Die skool betaal die volle koste van elke leerder se toegang.
• Leerders kan lesse enige tyd en vanaf enige plek herhaal.
• Ouers ontvang weeklikse vorderingsverslae per e-pos.
• Elke leerder ontvang 2 GB gratis data per maand vir gebruik op Die Wolkskool.

Registrasie

Leerders wat nog nie geregistreer is nie, kan ‘n profiel skep by https://wolkskool.co.za/sluit-aan met hul skool-e-posadres. Gebruik die leerder se korrekte ID-nommer tydens registrasie om die profiel aan Hoërskool Oos-Moot te koppel.

Toegang op jou selfoon

Besoek https://vraagbank.wolkskool.co.za/v2/teken-in, meld aan en voeg Die Wolkskool by jou tuisskerm vir vinnige toegang.

Hulp benodig?

Vir enige navrae of hulp met registrasie of toegang, kontak wolkskool@skole.co.za.

Saam bou ons aan sterker akademiese selfvertroue en sukses!