NETBAL

Mnr K de Wet
Organiseerder/Afrigter
dewetk@oos-moot.co.za

Die sestien Oosie-netbalspanne is ʼn magtige druppel in die Oosie Blou Golf.  Spangees, kwaliteit afrigting, motivering, deelname en ondersteuning dryf Oosie-netbal.  Ons spanne neem deel aan die PUK-reeks wat as uitstekende voorbereiding vir die ligaseisoen beskou word.

2019

Hoërskool Oos-Moot het ‘n skitterende netbalseisoen beleef met briljante prestasies deur speelsters en spanne.

Die seisoen het afgeskop met die 0/15A en B, 0/16A en B en 0/17B-spanne wat gedurende die Aprilvakansie na Zwartkloof getoer het. Die 0/14A-span het die Waterklooffees bygewoon. Micyla Botha word gekies vir die Klofies 0/15-uitnodigingspan na Dubai. Agt en vyftig netbalspanne van regoor die land en Namibië het deelgeneem aan hierdie toernooi. Die eerste span en 0/17-span het na George getoer. Die eerste span eindig eerste by hierdie toernooi.

PUK-REEKS
Die skole waarteen ons hierdie jaar in die PUK-reeks deelgeneem het, was Hoërskool Centurion, Hoërskool Klerksdorp en Hoërskool Frikkie Meyer. Hierdie reeks dien as baie goeie voorbereiding vir die ligaseisoen. Hoërskool Oos-Moot se netbal eindig algeheel eerste in die PUK-reeks en ons is voorwaar baie trots op elke speelster en afrigter.

LIGA
Hoërskool Oos-Moot het opgeskuif na die Jubilee A-liga waarin ons kompeteer teen agt van die topskole. 

TSHWANE KAMPIOENSKAPPE
Al die A-spanne neem deel aan die Tshwane kampioenskappe op Saterdag 1 Junie 2019 by Curro Hazeldean. Die 0/19A-span eindig sesde in Tshwane. Die 0/17A-span eindig vierde in Tshwane en gaan deur na die Gauteng kampioenskappe wat gehou is op 8 Junie 2019 by Hoërskool EG Jansen. Hierdie span eindig vierde by die Gauteng kampioenskappe en dring deur na die Skole SA-kampioenskappe wat gehou is van 18 tot 21 Julie 2019 by Hoërskool EG Jansen. Dit is met groot trots dat Hoërskool Oos-Moot kan sê dat die 0/17A-span uiteindelik 9de in die land eindig.

 
INDIVIDUELE PRESTASIES
Die volgende spelers het die Gauteng-spanne gehaal:

Jana Dreyer – 0/17
Anje Visser – 0/15
 

AFRIGTERSPRESTASIES
Mnr. Kobus de Wet, ons 0/16A-span afrigter word aangestel as afrigter van die 0/15A-Delta span vir die All Ages toernooi en sy span wen dié toernooi. Mnr. Kobus de Wet word ook aangestel as afrigter van die Tshwane 0/21B-span wat van 4 tot 10 Augustus 2019 by die Spar SA-kampioenskappe deelgeneem het by UJ en sy span wen die toernooi.

Laerskole netbalontwikkelingsprogram

Ons het in 2013/2014 begin met ʼn jaarlikse laerskole netbalontwikkelingsprogram waar individuele spelers se algemene vaardighede ontwikkel word.   Die program strek van Augustus tot September en word deur Kobus de Wet aangebied.