Mnr K de Wet
Organiseerder/Afrigter
dewetk@oos-moot.co.za

Die sestien Oosie-netbalspanne is ʼn magtige druppel in die Oosie Blou Golf.  Spangees, kwaliteit afrigting, motivering, deelname en ondersteuning dryf Oosie-netbal.  Ons spanne neem deel aan die PUK-reeks wat as uitstekende voorbereiding vir die ligaseisoen beskou word.

Die spanne het hierdie jaar (2019) opgeskuif na die Jubelee A-liga waar ons ‘n uitdagende seisoen gaan hê teen die volgende hoërskole:  AHM, Waterkloof, Zwartkops, Menlopark, Garsfontein, Eldoraigne en PHSG.  Die liga begin op 17 April.

In 2018 het ons spanne algeheel tweede in die reeks geëindig.  Vier van ons spanne het aan die Tshwane Kampioenskappe deelgeneem met die  0/17A-span wat 6de in Tshwane geëindig het.  Twee van ons speelsters was ook gekies vir Gautengspanne.

Laerskole netbalontwikkelingsprogram
Ons het in 2013/2014 begin met ʼn jaarlikse laerskole netbalontwikkelingsprogram waar individuele spelers se algemene vaardighede ontwikkel word.   Die program strek van Augustus tot September en word deur Kobus de Wet aangebied.

EERSTE NETBALSPAN

VLNR:  Uzaan Roets, Johandri vd Walt, Fébé Wessels, Ulricke Portwig, Anje Visser,                    Danae Jv Rensburg, Janine Coertzee, Simoné Roux, Ilonka van Breda